fancyhome3.gif (5051 bytes) blushrosetit.gif (31930 bytes) fancyemail.gif (5017 bytes)

De Bibliotheca

Biblioteca Telematica

CLASSICI DELLA LETTERATURA ITALIANA

fancybarT.gif (5506 bytes)

Atto unico

ITALO SVEVO

fancybul.gif (2744 bytes)     fancybulsm.gif (614 bytes)    fancybul.gif (2744 bytes)    fancybulsm.gif (614 bytes)    fancybul.gif (2744 bytes)

fancybarB.gif (5659 bytes)

fancyback.gif (5562 byte)

fancynext.gif (5542 byte)

 

 

SCENA NONA

STEFANO e ALFONSINA; voce di GIUSEPPE

 

STEFANO.       Ci˛, moscardina, lavora! Son qua per starte a veder. El momento che ti te fermi, me movo mi.

ALFONSINA.  Eh! La fa un bel mestier! Mi no me degneria. El aguzin!

STEFANO.       Ti sa! De solito me sta a veder a mi el magazinier. Del resto no son miga un cativo mulo e se no ghe fosse quela marantega te lassaria far quel che te par e piasi. Quanti ani ti ga?

ALFONSINA.  Ventidue.

STEFANO.       E ti ga el moroso?

VOCE DI GIUSEPPE. Aiuto la me copa.

ALFONSINA.  SÝ, quel che ziga. (Piangendo.) Se la xe un bon mulo la ghe dia un fraco de lignade a quela baba.

STEFANO.       No me mancheria altro. Fame piutosto ti el piazer e metite a zigar come se te bastonasse.

ALFONSINA.  Ahi! Ahi! (Urlando.)

STEFANO.       Brava! CussÝ va ben. Ma gavÚ vu una bela fortuna de imbrocar sta casa dove che i zercava giusto tanta zente. Eh! La polizia come mi la conosso no ve trova mai pi˙. E la siora Amelia no ve lasserÓ meter gnanche el naso fora de la porta. Sastu dove che i tien el vin in sta casa? El paron me ga dito che i me daria un bicer de vin!

ALFONSINA.  A pranzo iera stabilÝ che i ne lo daria anche a noi. Ma adesso no so gnanche se i ne lasserÓ bever Nabresina.

STEFANO.       Eh! Fin a pranzo ti vol che aspeti? (Inquieto.) Noi, in magazin gavemo la petesseria alla porta e femo ogni tanto un scampon. Mi bevo poco, assai poco, ma sempre. (Guarda negli armadii e trova una bottiglia; la guarda con sospetto.) ChissÓ che roba da gnente! Qualche vin franzŔse! (Lo prova e poi giocondamente.) Qua fora i scrivi che se trata de vin e drento inveze xe rum! E stagno, ti sa! Ti ghe ne vol una iozza?

ALFONSINA.  Mi de matina no ciogo che el cafŔ.

STEFANO.       E alora bever˛ anche mi la tua parte. (Ripete la bevuta e rimette la bottiglia al suo posto.) Adesso per quindise minuti almeno son bon. Te prego scova un poco perci˛ che la parona no se rabi con noi. Voria almeno finir quela botiglia. Aspeta che te aiuto. (Lui scopa ed essa si dÓ da fare alla tavola.)

 

 

SCENA DECIMA

AMELIA e DETTI

 

AMELIA.          Che beleza! Anche el guardian lavora.

STEFANO.       No me piasi de star cole man in man e cussÝ… (Imbarazzato.)

AMELIA.          Ma anzi! Lavora pur! Mi me piasi la zente che lavora! Ti vol una iozza de rum?

STEFANO.       No xe veramente la mia ora ma se la xe cussÝ bona no voio farghe el smaco de rifiutar. (Beve il bicchierino offertogli.)

AMELIA.          De lÓ i lavora che xe un piazer. In oto giorni gaverÓ la casa pi˙ lustra de Trieste. Adesso vado in cusina a conzar la coga.

 

 

SCENA UNDICESIMA

CLEMENTE e DETTI

 

CLEMENTE.    Oh! Amelia! Xe la polizia! I ga circondÓ tuta la casa e i xe zÓ sule scale!

AMELIA.          Ci˛! Se vengo a saver che ti xe sta ti dal comissario ti passi un bruto quarto d'ora.

CLEMENTE.    Mi? Ti xe mata? Son sta avisÓ per telefono che la polizia ga ocupÓ la casa e son corso qua.

AMELIA.          Ma mi la mia servit˙ no la dago fora. La polizia no ghe entra in casa mia. Mi no ghe averzo la porta.

ALFONSINA.  Brava, siora Amelia! La ne difendi!

CLEMENTE.    Sta atenta Amelia che no andemo in dispiazeri.

AMELIA.          Go un'idea! Noi d˛ e Stefano se vestimo de servi e loro li vestimo da paroni. La polizia ga la descrizion dei ladri ma no la zercherÓ quei conotati nei paroni. ZÓ quando che se ghe cambia la scorza no se sa pi˙ se se trata de paroni o de servi. (Essa suona il campanello e nello stesso tempo grida.) Ana! Giuseppe! Teresa!

 

 

SCENA DODICESIMA

ANNA, GIUSEPPE con la testa bendata, TERESA con un occhio tumefatto e DETTI

 

AMELIA.          SentÝ! Ghe xe la polizia! Ma mi go un piano de salvarve. Son sicura de riuscir.

GIUSEPPE.       Ma mi no voio salvarme. Mi voio andar in preson. Dove xe la polizia? Che la vegni che xe ora.

AMELIA.          Te prego Giuseppe. No esser cativo. No te dar˛ pi˙ per la testa. La credevo pi˙ dura. Guarda a quel che ti fa! Ti no ti sa quel che xe la preson.

GIUSEPPE.       Come no so quel che sia la preson; ghe iero tante volte!

TERESA.          E anca mi! In confronto de sta casa la preson xe un paradiso. Intanto lÓ no i domanda che se lustri e che se freghi! E po' no i dÓ pugni nei oci.

AMELIA.          Ben quel xe sta un sbaglio; scusime. Senti! La polizia xe sule scale. Se vede che i sta visitando un pian dopo l'altro. Dunque ghe saria tempo de meter in ordine sta povera casa. Mi g˛ butÓ tuto per aria credendo de aver el tempo de far tuta la casa in grande. Ve dago una setimana de paga se me lavorÚ per un'oreta.

ALFONSINA.  De paga intiera, de mezza o de un quarto de paga?

GIUSEPPE.       La ne dia qua i soldi e po' faremo quel che podemo.

AMELIA.          Ma se la polizia no me lassa tuta l'ora de tempo mi no pago niente.

GIUSEPPE.       Furbona! La lassi che andemo a riposar un poco anca noi.

AMELIA.          SentÝ! Quando che gavarÚ scontÓ la pena no volÚ tornar da mi? Mi go finÝ col volerve ben e ve aspeteria.

GIUSEPPE.       La ne aspeti pur! Mi spero de no vederla che in quel logo dove che no ghe xe nÚ case de lustrar nÚ paroni nÚ servi. VegnÝ, fioi! Che altrimenti le siore guardie le perdi la pazienza e le va via. AndÚmo! (Esce con Teresa, Alfonsina e Anna. Fuori c'Ŕ un momento di confusione e poi silenzio.)

 

 

SCENA TREDICESIMA

AMELIA, STEFANO e CLEMENTE

 

AMELIA.          Ci˛, Stefano! Ti me darÓ ti una man a meter in ordine sta casa.

STEFANO.       Volentieri siora parona. Solo che questa saria la mia ora.

AMELIA.          De cossa?

STEFANO.       De un bicerin.

AMELIA           (velenosa). Ah! ti vol bever?

STIEFANO.      Bever poco, s'intende. Mi bevo sempre poco! Fazzo in modo de no esser imbriago prima dele sete de sera.

AMELIA.          Te dar˛ mi el bicerin per la testa. Va al tuo lavor birbante.

CLEMENTE.    CussÝ ne toca andar a pranzo dal porzetÚr?

AMELIA           (urla). Oh! che odor de brusÓ! Me se brusa i gnochi! Birbante de Ana! No la podeva avisarne? (Corre via seguita da Clemente.)

 

 

SCENA QUATTORDICESIMA

STEFANO solo

 

STEFANO.       Senza bicerin la vol lassarme? (Prende la bottiglia dall'armadio.) Ogi sicuro no arivo ale sete de sera. (Beve lungamente.)

 

 

CALA LA TELA

 

fancybarT.gif (5506 bytes)

fancybul.gif (2744 bytes)

fancybulsm.gif (614 bytes)        fancybulsm.gif (614 bytes)         fancybulsm.gif (614 bytes)

fancyhome3.gif (5051 bytes)

fancyback.gif (5562 byte)

fancynext.gif (5542 byte)

fancyemail.gif (5017 bytes)

Edizione HTML a cura di: mail@debibliotheca.com
Ultimo Aggiornamento:13/07/2005 23.33

fancylogo.gif (5205 bytes)
fancybul.gif (2744 bytes)
Top